Presented here is the best representative of the earliest attested text: Hunt625, 14th

Mic 01:01a ወኮነ ቃለ እግዚአብሔር ኀበ መክያስ ወልደ ሞራት
Mic 01:01b በመዋዕለ ኢዮአታም ወአካዝ ወሕዝቂያስ ነገሥተ ይሁዳ
Mic 01:01c ዘርእየ በእንተ ሰማርያ ወበእንተ ኤሩሳሌም
Mic 01:02a ስምዑ አሕዛብ ወታጽምእ ምድር ወኵሎሙ እለ ይነብሩ ውስቴታ
Mic 01:02b ወይኩንክሙ እግዚአብሔር ሰማዕተክሙ
Mic 01:02c እግዚአብሔርሰ ውስተ ቤተ መቅደሱ ናሁ
Mic 01:10a ኢየሩሳሌም ኢኬ ትዘሀሩ ሰብአ ጌት ወኢትሕንጹ እለ ውስተ አቂም ቤተ
Mic 01:10b ኀሳርክሙ ሐመደ ደዩ ውስተ ርእሱ ለኀሳርክሙ
Mic 01:11a እንተ ትነብር ሠናየ ውስተ አህጉሪሃ ወኢትወፅእ
Mic 01:11b እንተ ትነብር ውስተ ሰናኦር ወይበኪዩ ምስሌሃ አብያት ዘጎራ
Mic 01:11c ወይነሥኡ እምኔክሙ መቅሠፍተ ወጻዕረ
Mic 01:12a ምንተ ብኪ ምስለ ሠናይት እንተ ትነብር ውስተ ማሕመም
Mic 01:12b እስመ ወረደት እኪት እምኀበ እግዚአብሔር ላዕለ አናቅጸ ኤሩሳሌም
Mic 01:13a ድምፀ ሰረገላ ላዕለ እንተ ትነብር ለኪስ
Mic 01:13b መልአከ ኀጢአት ውእቱ ለወለተ ጽዮን
Mic 01:13c እስመ ተረክበ (ላዕሌኪ) ጣዖተ እስራኤል
Mic 01:14a በእንተ ዘፈነውኪ ሐዋርያተ ውስተ መክፈልተ ጌት
Mic 01:14b ከንቶ ኮኑ ወዓርቁ አብያተ መንግሥተ እስራኤል
Mic 01:15a ወይወስዶሙ ለሰብአ ለኪስ ኀበ መዋርስት
Mic 01:15b ወይወርስዎሙ አስከ አዶለም
Mic 01:15c ወያመጽኡ ክብረ ለወለተ እስራኤል ግምዒ
Mic 02:06a እግዚአብሔር ኢትብኪዩ ወኢታንብዑ በእንተ ዝንቱ
Mic 02:06b እስመ ኢየኃድግ ኀሳርክሙ
Mic 02:07a ዘይቤ ቤተ ያዕቆብ አምዕዑ መንፈሰ እግዚአብሔር በዝንቱ ጌጋዩ
Mic 02:07b እንዘ ነገሩ ሠናየ በኀቤሁ
Mic 02:07c ወርቱዓን የሐውሩ ቦቱ ወያሜልኡ ቅድመ ወሕዝብየሰ
Mic 03:03a አዕጽምቲሆሙ ወበከመ በልዕዎሙ ሥጋሆሙ ለሕዝብየ
Mic 03:03b ወአውፅኡ አምእስቲሆሙ እምላዕለ አዕጽምቲሆሙ
Mic 03:03c ወገመዱ መሌሊቶሙ ከመ ሥጋ ውስተ ጽህርት
Mic 03:03d ወከመ አባል ውስተ መቅጹት ቀዲሙ
Mic 03:10 ለርትዕ እለ የሐንጽዋ ለጽዮን በደም ወለኤሩሳሌም በዓመፃ መኳንንቲሃኒ
Mic 04:02a አሕዛብ ኀቤሁ ወየሐውሩ ብዙኃን አሕዛብ ወይብሉ
Mic 04:02b ንዑ ንዕረግ ደብረ እግዚአብሔር ወውስተ ቤተ ያዕቆብ
Mic 04:02c ወያ(ር)እዩነ ፍኖቶ ወንሖር በአሰሩ
Mic 04:02d እስመ እምጽዮን ይወፅእ ሕግ ወቃለ እግዚአብሔር አምኢየሩሳሌም
Mic 04:03a ወይኴንን ማእከለ ብዙኀን አሕዘብ
Mic 04:03b ወይዘልፎሙ ለአሕዘብ ጽኑዓን እስከ ነዋኅ ብሔር
Mic 04:03c ወ(ይ)ሜትሩ ኰያንዊሆሙ ለማኅረስ ወአስየፈሆሙ ለማዕፀድ
Mic 04:03d ወኢያነሥኡ እንከ ኲናተ ሕዝብ ላዕለ ሕዝብ
Mic 04:03e ወኢትሜሀሩ እንከ ቀትለ ወያዓርፉ
Mic 04:13a እክል ተንሥኢ አኪድዮሙ ወለተ ጽዮን
Mic 04:13b እስመ እሬስዮ ዘኀጺን ለአቅርንትኪ
Mic 04:13c ወእሬስዮን ዘብርት (ለ)ወለትውኪ ወትመስውእዮ(ሙ ለ)ብዙኀን አሕዛብ
Mic 04:13d ወትኀረምዮሙ ለእግዚአብሔር ብዝኆሙ ወኀይሎሙኒ ለእግዚአብሔር በኵሉ ምድር
Mic 04:14a ናሁ ይእዜ የዐግትዋ ለወለተ ጽዮን
Mic 04:14b ወይሐርስዋ በበትር ዘይዘብጡክሙ ውስተ መላትኂክሙ ሕዝበ እስራኤል ወአንቲኒ
Mic 05:04a ምድር ወትከውን ዛቲ ሰላም አመ መጽኡ ፋርስ ውስተ ምድርክሙ
Mic 05:04b ወአመ ዐርጉ ውስተ ብሔርክሙ
Mic 05:04c ወይትነሥኡ (ሰብዓቱ ኖ)ሎት ላዕሌሁ ወሰመንቱ ሰራዊት
Mic 05:05a ወይርዕይዎ ለእሱር በኵናት ለምድረ ኔብሮድ በውስተ ሕዝአቱ
Mic 05:05b ወይድኅን እምእሱር አመ መጽኡ ውስተ ብሔርክሙ
Mic 05:05c ወአመ ዐርጉ ውስተ አድባሪክሙ ወይከውን
Mic 06:09a አምላክከ ቃለ እግዚአብሔር ትሰምይ በሀገርከ
Mic 06:09b ከመ ያድኅኖሙ ለእለ ይፍርሁ ስሞ
Mic 06:09c ስማዕ ሕዛብየ መኑ ያስተሬሲ ሀገረ
Mic 06:10a እሳትኑ ለቤተ ዐማፂያን
Mic 06:10b እለ ይዘግቡ መዛግብተ ዐመፃ ወይገፍዑ ወየኀስሩ እለ
Mic 06:13a አፉሆሙ ወአነሂ እእኅዝ እቀትልኪ
Mic 06:13b ወአጠፍእኪ በእንተ ኀጢአትኪ
Mic 06:14a ወብልዒ ወኢትጸግቢ ወትመውቲ ወኢትሕየዊ
Mic 06:14b ወኵሎሙ እለ ድኀኑ በኵናት ይወድቁ በረኃብ ወትዘርኢ
Mic 07:18a እምኔሁ መኑ አምላክ (ከማከ) ዘያአትት ኀጢአተ
Mic 07:18b ወይትዐዶ አበሳሆሙ ለርስቱ ለእለ ተርፉ
Mic 07:18c ወኢያጽንዐ ስምዐ መዐቱ እስመ ፈቃዴ ምሕረት ውእቱ
Mic 07:19a ወይትመየጠነ ወይሣህለነ ወያሰጥሞን ለኀጣውኢነ
Mic 07:19b ወይዌርዎን ውስተ ቀላየ ባሕር ለአበ(ሳ)ነ ወትሁቦ